Կահիրե

Տեղադրված է

Կահիրե (Եգիպտոս)

Երկիրը`   Եգիպտոս
Ենթարկումը`   Մայրաքաղաք
Քաղաքապետ`   Աբդուլ Ազիմ Վազիր
Հիմնադրվել է`   969թ.
Մակերես`   214 կմ/2
Ծովի մակ-ից բարձր է`   68 մ
Բնակչությունը`   8 026 454 մարդ (2009թ.)
Ժամային գոտի`   UTC+2, ամռանը UTC+3
Հեռախոսային կոդը`   +20 02

Կահիրեն (արաբ․՝ القاهرة‎‎, al-Qāhira - «հաղթական») Եգիպտոսի Հանրապետության մայրաքաղաքն է և Աֆրիկայի խոշորագույն բնակավայրը։ Եգիպտացիները հաճախակի կոչում են այն Մասր։

Կահիրեն Աֆրիկայի ու արաբական աշխարհի խոշորագույն քաղաքն է։ Բուն քաղաքի բնակչությունն ավելի քան 7 մլն. է։
 
Այն գտնվում է Նեղոսի ափին և կղզիների վրա՝ դելտայից քիչ հարավ։ Կահիրեն Եգիպտոսի խոշորագույն արդյունաբերական կենտրոններից է և տալիս է արտադրության 1/4-ը։ 
 
Արդյունաբերությունը բազմաճյուղ է, սակայն առաջատարներն են մեքենաշինությունը, տեքստիլը, քիմիականն ու սննդի արդյունաբերությունը։
 
Շրջապատի մի շարք քաղաքների (Գիզա, Շուբրա Էլ Ղեյմա, Հելուան) հետ ստեղծվել է հսկայական քաղաքային ագլոմերացիա՝ Մեծ Կահիրե՝ 16 մլն բնակչությամբ։
 
Կահիրեի տեղում քաղաքային բնակավայր գոյություն է ունեցել անհիշելի ժամանակներից՝ Բաբելոն (Միջագետքի Բաբելոնը չէ), այնուհետև՝ Ֆուստատ անվանումներով։
Ժամանակակից Կահիրեի պատմական հատվածն անվանում են Հին Կահիրե․ այն գտնվում է հնագույն շինությունների վայրում (Ֆուստատ): Հին քաղաքի տարածքում պահպանվել են հին հռոմեական շինություններ և հին ղպտիականեկեղեցիներ, տեղակայված է Ղպտիական թանգարանը, Բաբելոնյան ամրոցը, սինագոգ և հնագույ մզկիթներ: Ինչպես նաև Հին Կահիրեի տարածքում տեղակայված է մի այր, որտեղ թաքնվում էր Սուրբ ընտանիքը:

Հին քաղաքի մի մասը, որտեղ բնակվում են ղպտի քրիստոնյաները, կոչվում է Ղպտիական Կահիրե:

Եգիպտոս այցելող զբոսաշրջիկները հաճախ են լինում Հին Կահիրեում:

15-րդ դարի 2-րդ կեսին երկու կարևոր շինություններ կառուցվեցին Կահիրեում՝ Բուլաք նավահանգիստը և ալ-Ազբակեյա թաղամասը՝ քաղաքի հյուսիսարևմտյան մասում: Քաղաքի հատակագիծը չէր փոխվել վերջին 300 տարվա ընթացքում և դրա մասին է վկայում 1798 թվականին ֆրանսիական հետազոտական խմբի կողմից գծված քարտեզը: 1428 թվականին Զահեր Բայբարսի կողմից Կիպրոսը գրավելուց հետո, Բուլաքը դարձավ Կահիրեի գլխավոր նավահանգիստը: 15-րդ դարի վերջին Կահիրեն իր վրա էր վերցրել Հին Կահիրեի առևտրային կարևոր նավահանգստի դերը:

 

write a comment

ԹԵԺ ԱՌԱՋԱՐԿՆԵՐ

Գրանցվել նորությունները ստանալու համար

Գտնել մեզ քարտեզիվրա

երկիր

  • ՀԱՅԱՍՏԱՆ
  • ԵԳԻՊՏՈՍ

քաղաք

  • ԵՐԵՎԱՆ

հասցեներ

Կոմիտասի պող․ 20
+374 12 22 12 12, +374 60 61 11 10